Nur-Sultanda bir aıǵa jetetin azyq-túlik qory bar
«Azyq-túlikpen qamtamasyz etý boıynsha búgin tańerteń qala ákimimen birge saýda jáne azyq-túlik ortalyqtaryn aralap, olardyń úzdiksiz jumys istep jatqanyn kórdik. Búgingi tańda qalada azyq-túlik ónimderiniń shamamen bir aılyq normada jetkilikti kólemi bar. Bul azyq-túlik jetkizýdiń ádettegi kestesine sáıkes keledi», - dedi spıker qala ákimdiginde ótken onlaın-brıfıngte.
Sonymen birge, spıker azyq-túlik pen negizgi qajettilikter baǵanyń kóterilmeýi mańyzdy ekenin atap ótti.
«Kókónis boıynsha áleýmettik-kásipkerlik korporatsııalardyń jetkizýshilerimen 1,3 mlrd teńgege ónim jetkizý kelisimi bar. Bul qarajat jergilikti bıýdjetten turaqtandyrý qoryna bólingen. Ótken jyly biz 8 tonna un satyp aldyq, bul – bir jyl boıy nanmen qamtamasyz etýge jetedi. Bul ónimder barlyq iri saýda jelileri men bazarlarda satylatyn bolady», - dedi Erlan Bekmyrzaev.
Buǵan deıin basqarma basshysy karantın kezinde jumysyn toqtatpaǵan meıramhanalardyń jaýapqa tartylǵanyn habarlaǵan edi.