Nur-Sultanda bir aptada 200-den asa karantın buzý faktisi tirkeldi

NUR-SULTAN. QazAqparat – Nur-Sultan qalasynyń mobıldi toptary bir aptada 227 karantın erejesin buzý faktisin tirkedi, dep habarlaıdy QazAqparat elordalyq polıtsııa departamentiniń baspasóz qyzmetine silteme jasap.

Bir apta ishinde polıtseıler, epıdemıologtar, volonterler, jergilikti atqarýshy organ ókilderinen quralǵan mobıldi top Nur-Sultan qalasynda 227 karantın tártibin buzý faktisin tirkedi.

Onyń 146-sy maska taǵý men áleýmettik qashyqtyqty saqtaý syndy mindetti talaptar bolsa, 81-i tyıym salynǵan ýaqytta qyzmetin jalǵastyrǵan kásipkerlerge qatysty.

Qazirgi ýaqytta astanada monıtorıng jasaıtyn 16 mobıldi top bar.

Polıtseıler oıyn-saýyq oryndary, qoǵamdyq tamaqtaný obektileri, saýna, monsha, attraktsıondardy tekserip, olardyń ıelerine karantın erejeleri týraly eskertedi. Sonymen qatar karantın erejesin buzý faktilerin anyqtaıdy.

Nur-Sultan qalasynyń polıtsııa departamenti azamattardy qoǵamdyq oryndardaǵy erejege jaýapkershilikpen qarap, sanıtarııa talaptaryn saqtaýǵa shaqyrady.

Koronavırýs taralmas úshin polıtseıler men volonterler turǵyndarǵa karantın tártibin saqtaý men jeke qorǵanys quraldaryn taǵýdyń mańyzy jóninde túsindirý jumystaryn júrgizedi.