Nur-Sultanda besinshi qabattan bala qulap ketti
NUR-SULTAN. QazAqparat - Nur-Sultan qalasynda 10 jastaǵy bala besinshi qabattan qulap ketti, dep habarlaıdy QazAqparat tilshisi.
«Keshe, 23 maýsymda qalalyq aýrýhanaǵa kóptegen jaraqatpen 10 jastaǵy bala tústi. Ol besinshi qabattan qulap ketken», - dep habarlady qalalyq Polıtsııa departamentiniń baspasóz qyzmetinen.
Atap ótilgendeı, mundaı oqıǵalar kóbine balalardyń ata-ananyń qaraýynsyz qalýynan bolady.
«Bala úıde bolǵan kezde terezeni ashyq qaldyrmańyzdar. Siz bárin baqylap otyrmyn degenińizben, balany bir sát kózden tasa qylý - qaýipke alyp kelýi múmkin. Terezege qarapaıym tor ornatqannan góri bala ózdiginen terezeni asha almaıtyndaı arnaıy qorǵanys júıesin qarastyrǵan abzal. Jıhazdy terezeden alys ornatý kerek. Osynaý qarapaıym keńester qaýiptiń aldyn alýǵa kómekteser degen senimdemiz», - delingen polıtsııanyń habarlamasynda.
