Nur-Sultanda benzın quıylǵan tsısternalar relsten shyǵyp ketti
NUR-SULTAN. QazAqparat – Nur-Sultanda benzın quıylǵan 4 tsısterna relsten shyǵyp ketti. Bul týraly QazAqparat qalanyń Tótenshe jaǵdaılar departamentine silteme jasap habarlaıdy.
«28 maýsym kúni saǵat 13:30-da «Óndiris» temirjol stantsııasynan benzın quıylǵan 4 tsısternanyń relsten shyǵyp ketkeni týraly habar túsken. Oqıǵa ornyna birden qalalyq Tótenshe jaǵdaılar departamentiniń qyzmetkerleri jiberildi. Oqıǵa ornyna jetken kezde tótenshe jaǵdaılar salasynyń ókilderi benzın quıylǵan 4 tsısternanyń relsten shyǵyp ketkenin kórdi. Alaıda benzın tógilmegen, tsısternalar da aýdarylmaǵan»,-delingen habarlamada.
Tótenshe jaǵdaılar departamenti baspasóz qyzmetiniń habarlaýynsha, oqıǵy ornynda tıisti jumystar júrgizilip jatyr. Osy kezde elektr jelileri jınaqtalyp, jedel shtab quryldy. Oqıǵanyń saldarymen jumysqa jeke quramnan 25 adam, 4 arnaıy tehnıka jumyldyryldy. Sonymen qatar Nur-Sultan Tótenshe jaǵdaılar departamentiniń órtpen kúres beketteri ornatyldy.
Illıýstratsııalyq foto
