Nur-Sultanda beketti buzyp ótkisi kelgen turǵyn 7 jylǵa júrgizýshi kýáliginen aıyryldy
NUR-SULTAN. QazAqparat - Oqıǵa elorda mańyndaǵy Qosshy aýylyna baratyn joldaǵy blok bekette bolǵan, dep habarlaıdy QazAqparat Polisia.kz saıtyna silteme jasap.
«22 naýryz kúni tańǵy saǵat 03.35-te «BMW» avtokóligin tizgindegen 30 jastaǵy júrgizýshi alkogoldi ishimdikke mas kúıinde blokbeketti buzyp ótkisi keldi. Er adam tótenshe jaǵdaı jarııalanǵan aýmaqta qoǵamdyq tártipti saqtaý boıynsha qyzmettik mindetterin artqaryp júrgen ishki ister organy qyzmetkerleriniń talabyna baǵynbaǵan», - dep jazdy Polisia.kz.
Oǵan qatysty QR Ákimshilik quqyqbuzýshylyqtar kodeksiniń 478-baby (Tótenshe jaǵdaı kezinde qoǵamdyq tártipti buzý áreketteri, ishki ister organdary qyzmetkerleriniń zańdy talabyna baǵynbaý) jáne 608-baby (Alkogol, esirtki nemese ózge de júıkege áser etetin zattardyń qabyldap mas kúıinde kólik quralyn basqarý) boıynsha ákimshilik hattama toltyryldy.
Nur-Sultan qalasy arnaıy mamandandyrylǵan aýdanaralyq ákimshilik sotynyń qaýlysymen quqyqbuzýshy 15 táýlikke qamaýǵa alyndy jáne kólik júrgizý kýáliginen 7 jylǵa aıyryldy. Odan bólek, 40 aılyq eseptik kórsetkish kóleminde aıyppul salyndy.
Eske sala ketsek, 22 naýryz kúni saǵat 00.00-de Nur-Sultan men Almaty qalalaryna kirip-shyǵý ýaqytsha toqtatyldy.
