Nur-Sultanda basyna paket kıgen er adam áıeldi tonap ketti
NUR-SULTAN. QazAqparat – Polıtseılerdiń málimetinshe, er adam tús kezinde jumysyna bara jatqan áıelge shabýyl jasaǵan, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
«Áıel Sh.Qaldaıaqov kóshesiniń boıyndaǵy kópirge jete bergende basyna kók paket kıgen er adamdy baıqaǵan. Belgisiz erkek jolyn kes-kestep, uryp-soǵyp, tonap ketken. Áıel ámııanyndaǵy barlyq qolma-qol aqshany – 3 myń teńgeni shyǵaryp bergen. Keıin ol belgisiz jaqqa ketken», - delingen habarlamada.
Vıdeoda kórsetilgendeı, qaskúnem basynan paketti sheship, qashyp ketken. Polıtsııa qyzmetkerleriniń 1988 jylǵy kúdiktini 15 mınýtta ustady. Buǵan deıin onyń osyndaı qylmys jasap, sottalǵany belgili boldy.
Atalǵan faktige qatysty QR QK 191-baby «tonaý» boıynsha sotqa deıingi tergeý jumysy júrip jatyr. Osy adamnan zardap shekken azamattardy Almaty aýdandyq polıtsııa bólimine (Bórili kóshesi 18-úı) nemese 8 (7172) 97-28-88, «102» qyzmetine habarlasýyn suraıdy.
