Nur-Sultanda barlyq baǵytta jol jabyq: Rýbej beketterinde 164 kólik tur

NUR-SULTAN. QazAqparat – Astanada qutqarýshylar qarly boranmen kúresýde. Qazgıdromettiń málimetinshe, 23 naýryz kúni saǵat 21:00-den 24 naýryz saǵat 21:00-ge deıin túnde burqasyn bolyp, soltústik-batystan soqqan jeldiń ekpini 15-18 m/s jetedi, dep habarlaıdy QazAqparat.

Qala ákimdiginen málim etkendeı, avarııalyq-qutqarý jáne kezek kúttirmeıtin jumystarǵa, patrýldeýge qalanyń shuǵyl qyzmetteriniń jeke quramy, onyń ishinde Nur-Sultan qalasy TJD, QR ІІM, JAO, jol qyzmetteri jumyldyryldy.

«Rýbej» beketterinde avtokólikter jınalyp qaldy: 135 jeńil kólik, 29 júk avtokóligi, onyń ishinde:

- Şýchınsk qalasy baǵytynda - 40 jeńil, 10 júk kóligi;

- Qaraǵandy qalasy baǵytynda - 15 jeńil, 7 júk kóligi;

- Qorǵaljyn kenti baǵytynda - 30 jeńil, 5 júk kóligi;

- Pavlodar qalasy baǵytynda - 50 jeńil, 7 júk kóligi tur.

Elordalyq qutqarýshylardyń kúshimen osy ýaqytqa deıin 18 adam, onyń ishinde 2 bala, sondaı-aq 5 birlik tehnıka qutqaryldy. Qazirgi ýaqytta aýa raıynyń nasharlaýyna baılanysty (qar, boran, kóktaıǵaq, kórinýdiń shektelýi) Nur-Sultan qalasynan respýblıkalyq mańyzy bar avtojoldar ýchaskesinde barlyq avtokólik túri úshin qozǵalys jabyldy», - dedi elorda ákimdiginde.

Osy rette Tótenshe jaǵdaılar departamenti qala syrtyna shyqpaýǵa, shuǵyl qyzmetterdiń eskertýine qulaq asýǵa, balalardy eresekterdiń qaraýynsyz kóshege shyǵarmaýǵa keńes beredi.

«Úıde jylytý qurylǵylaryn paıdalanbańyz. Júrgizýshiler jolda qaýipsiz jyldamdyqpen júrýi kerek, sondaı-aq qaýipti manevrlerden aýlaq bolý qajet. Joldardyń ashylýy nemese jabylýy týraly aqparatty «112-Nur-Sultan» Telegram arnasynan, sondaı-aq 112 telefony boıynsha bilýge bolady», - dedi departamentten.