Nur-Sultanda «balger» áıel balalardy aldap, 600 myń teńge men áshekeı buıymdardy qoldy etken
NUR-SULTAN. QazAqparat – Elordalyq polıtseıler dýadan aryltamyn dep, balalardyń áshekeı buıymdary men aqshasyn aldap alǵan kúdiktini ustady, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
Nur-Sultan qalalyq polıtsııa departamenti qyzmetkerleri júrgizgen jedel-izdestirý sharasy kezinde alaıaqtyq jasaǵany úshin 31 jastaǵy áıel qolǵa tústi. Kúdikti Nur-Sultan qalasynda kámeletke tolmaǵan balalardyń janyna kelip, ózin «balgermin» dep tanystyrǵan. Ol ata-analaryń men týystaryńdy dýadan tazartamyn dep aldap, balalarǵa úıden aqsha nemese áshekeı buıymdardy alyp shyǵýdy suraǵan. Osylaısha ol úsh balany aldap, 600 myń teńge men altyn buıymdardy ıelenip alǵan. Áshekeı buıymdardy lombardqa tapsyryp úlgergen.
Qazirgi ýaqytta kúdiktige qatysty alaıaqtyqtyń 3 faktisi boıynsha sotqa deıingi tergeý júrip jatyr. Burynyraq azamatsha alaıaqtyq úshin birneshe ret sottalǵan.
Ol Nur-Sultan qalalyq Polıtsııa departamentiniń ýaqytsha ustaý ızolıatoryna qamaldy.
Osy áıelden zardap shekken basqa da azamattar bolsa, Nur-Sultan qalasy «Esil» aýdandyq polıtsııa basqarmasyna nemese tómendegi telefon nómirlerine habarlasýlaryńyzdy suraımyz:
8 (7172) 71-65-57, 71-65-58
8-778-994-02-02
8-702-348-31-90 nemese «102».
