Nur-Sultanda avtokólik janyp ketti
NUR-SULTAN. QazAqparat – Nur-Sultanda BMW markaly avtokóliktiń qozǵaltqysh bóligi men salony janyp ketti, dep habarlaıdy QazAqparat tilshisi.
«Búgin, 7 maýsym kúni saǵat 17:12-de Nur-Sultan qalasynyń TJD Órt sóndirý bólimsheleri kezekti shaqyrýǵa shyqty. Órt sóndirýshiler oqıǵa ornynda BMW markaly avtomashınanyń qozǵaltqysh bóligi men salony janyp jatqanyn anyqtady. Órt 17:34-te sóndirildi. Qaza bolǵandar men zardap shekkender joq», - dep túsindirdi elordalyq Tótenshe jaǵdaılar departamenti.
Vedomstvonyń baspasóz qyzmeti habarlaǵandaı, órttiń sebebi anyqtalyp jatyr. Órtti sóndirýge Nur-Sultan qalasynyń TJD jeke quramynan 5 adam jáne 1 tehnıka jumyldyrylǵan.
