Nur-Sultanda avtokólik urlaýmen aınalysyp kelgen qylmystyq top ustaldy
NUR-SULTAN. QazAqparat – Nur-Sultanda avtokólik urlaýmen aınalysyp kelgen qylmystyq top ustaldy, dep habarlaıdy QazAqparat elordalyq Polıtsııa departamentiniń baspasóz qyzmetine silteme jasap.
Baspasóz qyzmetiniń derekterine qaraǵanda, jedel-izdestirý sharalaryn júrgizý barysynda elordalyq polıtsııa qyzmetkerleri kúdiktilerdiń izine tústi. Olar mingen «Hıýndaı Avant» markaly kóligi Abylaıhan dańǵyly boıynda toqtatyldy. Esikti ishinen jaýyp alǵan eki kúdikti kólik salonynan shyǵýdan bas tartqan. Polıtsııa kóliktiń áınekterin syndyryp, kúdiktilerdi alyp shyqty.
39 jáne 42 jastaǵy ustalǵan eki adam elorda turǵyndary bolp shyqty. Olar bıylǵy jyldyń 20 qazanynan beri jasalǵan bes avtokólik urlyǵyna qatysy bar degen kúdikke ilindi.
Bir ǵana «Sharyn» bazarynyń ózinde kúdiktiler úsh avtokólik urlaǵan.
Máselen, 29 qazanda bazarda bolǵan 39 jastaǵy kúdikti skanerleý qurylǵysy arqyly «Land Krýzer» markaly avtokóligin ashqan. Bul ýaqytta avtomobıl salonynda kishkenaı bla otyrǵan jáne onyń qolynda «Hýaveı» markaly uıaly telefon bolǵan. Kúdiktiń balanyń qolyndaǵy telefonyn alyp, oqıǵy ornynan izin sýyqtan. Anasy saýda jasap bolyp, kólikke oralǵan kezde bolǵan jaǵdaı týraly bilgen soń polıtsııaǵa habarlaǵan. Qazi QR QK 188-baby 3-bóligi boıynsha sotqa deıingi tergeý amaldary júrgizilip jatyr.
