Nur-Sultanda avtobýstar soqtyǵysyp, eki jolaýshy zardap shekti
NUR-SULTAN. QazAqparat – Elordada marshrýttyq avtobýs apatynan eki jolaýshy zardap shekti, dep habarlaıdy QazAqparat.
«20 aqpan kúni saǵat 10:18-de Qabanbaı batyr dańǵylynan Rysqulov kóshesine qaraı bara jatqan №303 marshrýttyq avtobýs júrgizýshisi aýa raıy jaǵdaılaryn eskermeı, aıaldamada turǵan №10 avtobýsqa soqtyǵysty. Oqıǵa saldarynan eki jolaýshy jaraqat aldy», - dep habarlady Polıtsııa deparatmentiniń baspasóz qyzmeti.
Zardap shekken jolaýshylar aýrýhanaǵa jetkizilgen jáne medıtsınalyq kómek kórsetilgen soń, úıge qaıtarylǵan.
«№303 avtobýs júrgizýshisine qatysty QR Ákimshilik quqyq buzý kodeksiniń 610-baby, 2-bóligi boıynsha ákimshilik hattama toltyryldy. Tekserý jumystary júrip jatyr», - delingen resmı habarlamada.
