Nur-Sultanda avtobýsta jol aqysyn tólemegen jolaýshy ury bolyp shyqty
NUR-SULTAN. QazAqparat - Kóliktik baqylaý departamentiniń qyzmetkerleri telefon urlaǵan jolaýshyny anyqtady, dep habarlaıdy QazAqparat.
Bul jaıynda City Transportation Systems kompanııasy málimet taratty.
Kezekti tekserý barysynda jolaýshy jol aqysyn qalaı tólegenin túsindire almady.
SMS habarlamany teksergen kezde bank aýdarymdary boıynsha jaýap berilmegen qońyraýlar men habarlamalar anyqtaldy.
Qyzmetkerler mán-jaıdy anyqtaý úshin jolaýshydan olarmen birge polıtsııa departamentine barýdy suraıdy.
Polıtsııa bul azamattyń bógde adamnyń múlkin urlaýǵa qatysy bar ekenin anyqtap, qamaýǵa aldy.
Sondaı-aq ol jol aqysyn tólemegeni úshin ákimshilik jaýapkershilikke tartyldy.
«Qurmetti jolaýshylar, árqashan abaı bolyńyzdar jáne baǵaly zattaryńyzdy avtobýsta qaraýsyz qaldyrmańyzdar» dep eskertedi kompanııa.
