Nur-Sultanda aýrýhana aýmaǵyna dezınfektsııalaıtyn tonnel arqyly kiredi
NUR-SULTAN. QazAqparat - Nur-Sultan qalasynda 10 dezınfektsııalyq keshen ornatylatyn bolady, dep habarlaıdy QazAqparat qala ákimdigine silteme jasap.
Qala ákimdiginiń bastamasymen №3 kópbeıindi balalar aýrýhanasynda qaladaǵy alǵashqy dezınfektsııalyq keshen paıda boldy. Budan bylaı dárigerler men medıtsına qyzmetkerleri jumysqa kiriserden buryn osy tonnel arqyly ótedi.
«Qondyrǵy bý generatorlarynyń kómegimen jumys isteıdi. Dezınfektsııalaý suıyqtyǵynan bý shyǵaratyn arnaıy motor bar. Bul keshen arqyly ótý kıim qyrtysyndaǵy qaýipti patogenderdi joıýǵa múmkindik beredi. Qondyrǵyny medıtsına qyzmetkerleri kúnine eki ret – jumysqa kirgende jáne aýysym aıaqtalǵan soń paıdalanady. Naýqastarda osy keshen arqyly óte alady», – deıdi Nur-Sultan qalalyq №3 kópbeıindi qalalyq balalar aýrýhanasynyń dırektory Iran Shametekov.
Sonymen qatar, taıaýda basqa medıtsına mekemelerinde jáne adam kóp jınalatyn oryndarda osyndaı dezınfektsııalyq tonnel ornatylady.
