Nur-Sultanda aýdan ákimderine qoıylatyn saýaldar úshin arnaıy jáshikter ornatyldy
NUR-SULTAN. QazAqparat - Elorda turǵyndary óz suraqtary men shaǵym-ótinishterin qala bıligine jazbasha túrde jibere alady.
Halyqqa yńǵaıly bolýy úshin barlyq aýdan ortalyqtarynda, halyq kóp jınalatyn saýda ortalyqtarynda arnaıy jáshikter ornatylatyn bolady, dep habarlaıdy qala ákimdiginiń resmı saıty.
«Esil» aýdany ákimi astanalyqtar aldynda 29 qańtar - 2 aqpan aralyǵynda esep beredi (barlyǵy 5 kezdesý ótedi dep josparlanǵan). «Almaty» aýdany ákiminiń qala turǵyndarymen kezdesýi 3-7 aqpan aralyǵynda (5 kezdesý), «Saryarqa» aýdany ákiminiń qala turǵyndarymen kezdesýi 27 qańtar men 3 aqpan aralyǵynda (6 kezdesý), al «Baıqońyr» aýdany ákiminiń turǵyndarmen kezdesýi 27-31 qańtar (5 kezdesý) aralyǵynda ótedi.
Іs-sharalar «suraq-jaýap» formatynda ótetin bolady.
Aýdan ákimdikteriniń «Qaýyrt jeli» telefondary:
«Almaty» aýdany: Baılanys telefony - 36-39-19; baılanysýshy tulǵa – Uıymdastyrý-baqylaý bóliminiń basshysy Baýyrjan Serikpaıuly Qapanov.
«Esil» aýdany: Baılanys telefony - 55-73-83; baılanysýshy tulǵa – Uıymdastyrý-baqylaý bóliminiń basshysy Beısov Oljabek Abaıuly. «Saryarka» aýdany:
Baılanys telefony – 55-66-03; baılanysýshy tulǵa – Uıymdastyrý-baqylaý bóliminiń basshysy Isakov Erbolat Túgelbaıuly.
«Baıqońyr aýdany»: Baılanys telefony - 55-74-91; baılanysýshy tulǵa –Jıyntyq-taldaý bóliminiń basshysy Baýjanov Azat Qaıratuly. Sondaı-aq, qala turǵyndary usynystaryn barlyq 4 aýdanda ornalasqan ótinish jáshikterine qaldyra alady.
Esil aýdanynyń turǵyndary úshin jáshikterdiń ornalasqan jeri: «MEGA Silk Way» SOSO, «Kerýen» SOSO, Esil aýdany ákimdigi, aýdandyq HQKO.
Saryarqa aýdany turǵyndary «Qazposhta» ǵımaratynda, «Sine Tempore» saýda úıinde, aýdandyq HQKO, № 4 qalalyq emhanada, №10 qalalyq emhanada, Tilendıev,15 meken-jaıyndaǵy «Rahmet» saýda ortalyǵynda, Gertsen, 84 kóshesinde ornalasqan «Rahat» dúkeninde, Babataıýly, 6/1 kóshesindegi «Shık» dúkeninde, «Kóktal-2» saýda úıinde ótinish hattaryn qaldyra alady.
Almaty aýdany turǵyndary aýdandyq HQKO, №6, №7, №11 qalalyq emhanalarda, B.Momyshuly kóshesindegi «Rahmet» saýda ortalyǵynda, «Eýrazııa» saýda ortalyǵynda, «Arýjan» SOSO, Óndiristik jáne Temirjolshylar, Internatsıonalnyı turǵyn úı alaptaryndaǵy aýdan ákimdikterinde ótinish pen usynystaryn qaldyra alady.
«Baıqońyr» aýdany boıynsha turǵyndardyń ótinishterine arnalǵan jáshikterdiń ornalasqan jeri: Astanalyq saýda úıi, «Baıqońyr» aýdanynyń HQKO, «Astyqjan» saýda úıi, Ortalyq bazar, «Baıqońyr» aýdany ákiminiń bas ınspektorynyń ǵımaraty, aýdan ákimdiginiń ǵımaraty.