Nur-Sultanda ashyq aspan astynda kıno kórsetilimi ótedi
Nur-Sultan turǵyndary men qonaqtary 1-6 shilde aralyǵynda qazaqstandyq jáne álemdik fılmderdi ashyq aspan astynda tamashalaı alady. Kórsetilim «Astana-Arena» stadıonynyń aldynda (Qabanbaı batyr dańǵyly boıymen) ótedi. Uıymdastyrýshylar qaýipsizdik sharalary týraly da eskertedi. Mindetti túrde maska taǵyp, sanıtaızerler qoldaný jáne áleýmettik qashyqtyqty saqtaý kerek. Kino Space aıasynda «Qyz Jibek», «Meniń atym Qoja», «Bizdiń aıaýly dáriger», «Alpamys mektepke barady», «Pýt Lıdera» kınoepopeıasy, «Aqsaq qulan», sondaı-aq sheteldik «Djon Ýık», «Prıklıýchenııa Pıtera Pena», «Asterık ı Obelıks» jáne t.b fılmder kórsetiledi. Seanstyń bastalý ýaqyty – 21:30, kirý tegin. Kórsetilimde erekshe qajettilikteri bar balalar úshin arnaıy múmkindikter qarastyrylady.
Aıta ketý kerek, «Kino Space» kınoteatryna MEGOGO halyqaralyq medıa qyzmeti men Sh.Aımanov atyndaǵy «Qazaqfılm» kınostýdııasy qoldaý kórsetti. Shara barlyq azamattarǵa sheteldik prodıýserlerdiń lıtsenzııalanǵan fılmderin jáne qazaq kınosynyń klassıkasyn ashyq aspan astynda tegin tamashalaýǵa múmkindik beredi.
