Nur-Sultanda árqaısysy 23 mln teńge turatyn 20 jedel járdem kóligi satyp alyndy
NUR-SULTAN. QazAqparat - Táýelsizdik kúni merekesi qarsańynda bas qalanyń jedel járdem ambýlatorlyq kólikteriniń qataryna taǵy 20 sý jańa kólik qosyldy, dep habarlaıdy QazAqparat tilshisi.
«Aıtýly mereke aldynda 20 ambýlatorlyq jedel járdem kóliginiń kiltin tapsyrýdamyz. Jyl sońyna deıin taǵy 52 jedel járdem kóligi alynbaq. Shetelde jasalǵan bul kólikter óte yńǵaıly, zaman talabyna saı jáne qajetti qural-jabdyqtarmen jaraqtandyrylǵan. ıAǵnı munda ınsýlt alǵanda, júrek talmasyna shaldyqqanda jyldam kómek kórsetý úshin qajettilikterdiń bári bar. Bul óz kezeginde jedel járdem mamandarynyń jumysyn jaqsartýmen qatar, ýaqytyn únemdeýge septigin tıgizedi», - dedi qala ákiminiń orynbasary Baqtııar Máken.
Ákim orynbasarynyń sózine sensek, atalǵan kólikterdiń árqaısysy 23 mln teńge turady.
«Jýyrda 700-den astam jedel járdem mamany aranaıy kýrstan ótti. Endigi zaman aǵymynan qalmaý úshin shet tilin ıgerýdi josparlap otyrmyz. Ondaǵy maqsat - qala turǵyndaryn ǵana emes, sheteldik azamattarǵa da qol ushyn sozýǵa daıyn bolý» - dedi ol.
