Nur-Sultanda Alǵys aıtý kúni qalaı toılanady?
Merekelik sharalar qalanyń barlyq uıymdarynda, oqý oryndary men aýdan ákimdikterinde ótedi, dep habarlaıdy elorda ákimdiginiń resmı saıty.
Bıyl Alǵys aıtý kúni besinshi ret toılanyp otyr. Qazaqstan halqy Assambleıasynyń HHІІ sessııasynda Tuńǵysh Prezıdent - Elbasy N.Á. Nazarbaev jyl saıyn 1 naýryzdy qıyn kezeńderde ózge ult ókilderine kómektesken, meıirimdilik tanytyp, olardy týysqany retinde qabyldaǵan qazaq halqyna ózge etnostardyń alǵys bildirý kúni retinde atap ótýdi usyndy.
Merekeniń basty maqsaty – Qazaqstan halqynyń birligin nyǵaıtý, qoǵamdyq kelisim men qaıyrymdylyqty nasıhattaý.
28 aqpanda saǵat 11:00-de Dostyq úıinde Qazaqstan halqy Assambleıasy músheleriniń, ÚEU jáne memlekettik organdardyń qatysýymen dóńgelek ústel otyrysy ótedi. Kezdesý aıasynda qaıyrymdylyq kórme-jármeńkesi men qaıyrymdylyq aktsııasyn ótkizý josparlanǵan.
28 aqpan men 2 naýryz aralyǵynda M.Ótemisuly atyndaǵy Oqýshylar saraıynda, Balalardy qoldaý ortalyǵynyń «SOS Astana qalasynyń balalar aýyly» mekemesinde Alǵys aıtý kúnine arnalǵan «Rızashylyq - meıirimdilik bulaǵy» ulttyq mádenı-aǵartýshylyq jobasy men «Qushaqtap, rahmet aıtamyn» fleshmoby ótedi. Ál-Farabı atyndaǵy Oqýshylar saraıynda «Men alǵys aıtamyn», «Álemge alǵys», «Qazaq halqyna alǵysym sheksiz» fotokórmeleri josparlanǵan.
29 aqpanda «Vaınah» sheshen-ıngýsh etnomádenı ortalyǵynyń aqsaqaldar keńesi men jastar qanatynyń kezdesýi ótedi. Sol kúni №1 mýzyka mektebiniń oqýshylary «Qarttar men múgedekterge arnalǵan medıtsınalyq-áleýmettik mekeme» QMÝ ardagerlerine arnalǵan «Júrek jylýy» kontsertin ótkizedi.
1 naýryzda etnolıngvıstıkalyq mektepterde Alǵys aıtý kúnine oraı ashyq sabaqtar uıymdastyrylady. Sol kúni qalalyq volonterler shtabynyń bastamasymen «Ardagerlerge myń alǵys» aktsııasy bastalady. Eriktiler soǵys ardagerleri men tyl eńbekkerlerin quttyqtap, olarǵa tamaq sebetteri men elorda ákiminiń atynan alǵys hattar tabystaıdy. Sonymen qatar, ǵylymı-saraptamalyq toptyń músheleri men Qazaqstan halqy Assambleıasynyń qoǵamdyq kelisim keńesiniń ókilderi memlekettik organdardyń qyzmetkerleri, ýnıversıtet stýdentteri úshin dárister ótkizedi.
