Nur-Sultanda alǵash ret sý dobynan lıtsenzııalyq Azııa chempıonaty ótedi
NUR-SULTAN. QazAqparat – 12-16 aqpan kúnderi Nur-Sultanda sý dobynan alǵash ret lıtsenzııalyq Azııa chempıonaty ótedi, dep habarlaıdy QazAqparat tilshisi.
QR Ulttyq olımpıadalyq komıteti habarlaǵandaı, el astanasynda ótetin baıraqty básekeniń basty ereksheligi Tokıo Olımpıadasyna joldama oınatylady.
«2020 jyly Tokıoda ótetin jazǵy Olımpıada oıyndaryna Azııa qurlyǵynan erlerden - 4, áıelderden 6 komanda eki joldamany sarapqa salatyn bolady. Atalǵan komandalar ishinde úzdik atanyp, birinshi orynǵa ıe bolǵan komandalar ǵana Olımpıada joldamasyna ıe bolady. Áıelder arasyndaǵy dodaǵa Qytaı, Qazaqstan, Japonııa, Ózbekstan, Sıngapýr jáne Koreı Halyq Demokratııalyq Respýblıkasynyń quramalary qatysady. Al erler arasyndaǵy básekede Qazaqstan, Iran, Qytaı jáne Ońtústik Koreıa komandalary ózara baq synaıdy», - delingen habarlamada.
