Nur-Sultanda álemge áıgili áıelder ómirinen syr shertetin kórme ashyldy
NUR-SULTAN. QazAqparat – Elordada 8 naýryz -Halyqaralyq áıelder kúni merekesine oraı Eýroodaqqa múshe elder men Qazaqstanǵa tanymal tarıhı tulǵa sanalatyn áıelderge arnalǵan kórme ashyldy, dep habarlaıdy QazAqparat tilshisi.
«Kórmege 28 áıeldiń portreti qoıylǵan. Olardyń barlyǵy óz elinde, al keıbiri álemdik deńgeıde keńinen tanymal tulǵalar. 27 kartına Eýroodaqqa múshe elderdiń tanymal áıel tulǵalary jáne bir portret Qazaqstanǵa arnalyp otyr. Bul áıelder HІH-HH ǵasyrda ómir súrgen, ár salaǵa eńbegi sińgen jandar. Qazaqstannan tanymal kompozıtor, ataqty dombyrashy Dına Nurpeıisova tańdap alyndy. 8 naýryz merekesi názik jandarǵa gúl men shokolad syılaýmen ǵana bitpeıdi. Osy merekede biz áıel teńdigi, olardyń quqyǵy men qoǵamdaǵy orny týraly da sóz qozǵaýymyz kerek», - dedi Eýroodaqtyń Qazaqstan Respýblıkasyndaǵy elshisi Kestýtıs ıAnkaýskas kórmeniń ashylý saltanatynda.
Kórme 8 naýryz - Halyqaralyq áıelder kúni merekesine oraı uıymdastyrylyp otyr.
«28 elden elge eńbegi sińgen áıeldi tańdap alý ońaıǵa soqqan. Biz bir elden bir áıelden ǵana tańdaldy. Tańdaýǵa kelgende biz ár eldiń elshiligimen aqyldasyp, kimdi tańdaıtynymyz týraly ortaq bir sheshimge keldik. ıAǵnı 28 eldiń elshiligimen aqyldasa kele, osy zalda qoıylǵan tulǵalar tańdalynyp alyndy», - deıdi ol.
Uıymdastyrýshylardyń aıtýynsha, kórmeden bólek, ataqty áıelderdiń ómirbaıany men shyǵarmashylyǵy jazylǵan «Asyl tulǵalardan shabyt al» atty kitap jaryq kórdi.
«Dál osyndaı kórme Qazaqstanda alǵash ret uıymdastyrylyp otyr. Eýroodaqqa múshe elderde mundaı kórme ótken emes. Aldaǵy ýaqytta bul jobany odan ári jetildirip, túrlendire túsetin bolamyz. Bizge bul kórmeni uıymdastyrý ıdeıasy «Aısholpan» kitabyn kórgennen keıin keldi. Kitaptyń mazmuny men sýreti óte qatty áser qaldyrdy. Osylaısha birneshe uıym birlesip kórme ótkizýge kelistik. Kitaptaǵy áıel tulǵalardyń beınesin halyq keńinen tanı túsý kerek degen sheshimge keldik», - deıdi Nıderlandy koroldiginiń Qazaqstandaǵy, Qyrǵyzstandaǵy jáne Tájikstandaǵy elshisi Andreı Karstens.
Elorda turǵyndary men qala qonaqtary atalǵan kórmeni «Kerýen» saýda, oıyn-saýyq ortalyǵynda 16 naýryzǵa deıin tamashalaı alady.
Aıta keteıik, atalǵan sharany uıymdastyrýshy Nıderlandy koroldiginiń elshiligi, BUU áıelder jáne Eýroodaqtyń Qazaqstandaǵy ókildigi.
