Nur-Sultanda aqsha aıyrbastaý beketteriniń jumys kestesi ózgerdi
NUR-SULTAN. QazAqparat - 21-25 naýryz kúnderi aqsha aıyrbastaý pýnktteri saǵat 10:00-den 16:00-ge deıin jumys isteıdi.
Bul týraly QazAqparat elorda ákimdiginiń baspasóz qyzmetine silteme jasap habarlaıdy.
«Nur-Sultan qalasy aýmaǵynda koronavırýstyq ınfektsııanyń taralýyna jol bermeý jónindegi jedel shtabtyń sheshimimen, 2020 jylǵy 21-25 naýryz aralyǵynda ýákiletti bankterdiń (olardyń jumys kestesine sáıkes) jáne qolma-qol sheteldik valıýtamen aıyrbas operatsııalaryn júzege asyrý quqyǵy bar ýákiletti uıymdardyń aıyrbastaý pýnktteriniń jumysy Nur-Sultan qalasynyń ýaqytymen saǵat 10:00 bastap 16:00 deıin shekteledi», - delingen ákimdiktiń resmı habarlamasynda.
