Nur-Sultanda akkýmýlıator urlap qashqandar beınekameraǵa túsip qaldy

Kólik ıeleri polıtsııaǵa habarlasqan soń, Nur-Sultan qalasy «Saryarqa» aýdandyq polıtsııa bóliminiń qyzmetkerleri jol júrý baǵyttaryn tekserdi jáne eki kúdiktini ustady. Aýmaqtyq polıtsııa basqarmasyna jetkizilgen 31-32 jastaǵy qaskúnemder qylmysty moıyndaǵan.

Sonymen birge, kúdiktilerdiń kúzet dabyly joq avtokólikterdi arnaıy izdegeni anyqtaldy. Olar esikti buzyp salonǵa kirgen jáne kapotty ashqan. Akkýmýlıatordy kúrtege orap, qashyp bara jatqanda beınebaqylaý kamerasyna túsip qalǵan.

Atalǵan fakti boıynsha qylmystyq is qozǵalyp, olardyń buryn jasalǵan qylmystarǵa qatysy bar-joǵy anyqtalýda.

Avtokólikterdiń urlanýyn boldyrmaý úshin Nur-Sultan qalasynyń polıtsııa departamenti birqatar keńes beredi:

- túngi ýaqytta akkýmýlıatorlyq batareıalardy avtokólikte qaldyrmańyz;

- avtokóliktiń qulyptalǵanyna nemese kúzet dabyly qoıylǵanyna kóz jetkizińiz;

- kólikti beınebaqylaý kameralary bar nemese kúzetiletin avtoturaqtarǵa qoıyńyz;