Nur-Sultanda ahýal ortalyǵy ashyldy
NUR-SULTAN. QazAqparat - Astanada ahýal ortalyǵy ashyldy, dep habarlaıdy QazAqparat elorda ákimdiginiń resmı saıtyna silteme jasap.
«Qalada epıdemıologııalyq jaǵdaıdy eskere otyryp, birqatar sheshim qabyldandy. Birinshiden, jedel medıtsınalyq kómek bazasynda baılanys ortalyǵy quryldy. Onda dereý taldaý jasalyp, keńes beriledi. Bul - kúnine shamamen 500 ótinim. Sondaı-aq qalalyq aýmaqtyq emhanalarda jaýapty tulǵalarmen baılanys ortalyǵy quryldy. Olar týraly aqparat ınternet-resýrstarda qoljetimdi. Qalamyzdaǵy iKOMEK aqparat ortalyǵynda medıtsınalyq uıymdardyń ár basshysyna arnalǵan mobıldi qosymsha bar. Ótinimder birden olardyń mobıldi qosymshasyna túsedi», – dep túsindirdi qoǵamdyq densaýlyq saqtaý basqarmasynyń bastyǵy Sáýle Qısyqova. ⠀
Sáýle Qısyqova elordada ahýal ortalyǵy qurylyp, onda qalanyń tósek-oryn qory KVI jáne naýqastar aǵymymen retteletinin atap ótti.
«Josparly ambýlatorııalyq-emhanaǵa barýdy ýaqytsha toqtatý esebinen bul kadrlyq resýrstar qosymsha jedel medıtsınalyq járdem brıgadalaryn qurýǵa baǵyttaldy. Jaqynda 32 brıgada quryldy. Búginde qalada 150 brıgada jumys jasaýda», — dedi ol.
