Nur-Sultanda 9 qabatty úı órtenip, 35 adam evakýatsııalandy
NUR-SULTAN. QazAqparat – Nur-Sultanda 9 qabatty úı órtenip, 35 adam evakýatsııalandy, dep habarlaıdy QazAqparat QR ІІM Tótenshe jaǵdaılar komıtetiniń málimetterine silteme jasap.
Komıtet taratqan málimetterge qaraǵanda, oqıǵa 20 cáýir kúni bolǵan. Saǵat 08:01-de elordanyń órtke qarsy qyzmet nómirine Mustafın kóshesinde ornalasqan toǵyz qabatty úıde órt shyqqany týraly habar túsken.
«Órt sóndirýshiler oqıǵa ornyna kelgen kezde, úıdiń ekinshi qabatyndaǵy balkonda kıimder órtenip jatqan. Órt sóndirýshiler aldymen úıde turatyn 35 adam, sonyń ishinde 15 balany qaýipsiz jerge shyǵardy. Jalyn bes sharshy metr aýmaqty sharpyǵan. Órt saǵat 08:13-te tolyq sóndirildi. Qaza tapqandar men zardap shekkender joq. Órttiń shyǵý sebepteri anyqtalý ústinde»,-delingen habarlamada.
