Nur-Sultanda 8 naýryz kúni 59 náreste dúnıege kelgen

NUR-SULTAN. QazAqparat - Elordada 8 naýryz – Halyqaralyq áıelder kúni 23 qyz ben 36 ul bala dúnıege keldi, dep habarlaıdy QazAqparat qala ákimdiginiń resmı saıtyna silteme jasap.

Sábıler men olardyń analarynyń jaǵdaıy oıdaǵydaı.

Qalalyq qoǵamdyq densaýlyq saqtaý basqarmasyna jańa týǵan náresteler jaıly málimetterdi qaladaǵy kópbeıindi aýrýhanalardyń akýsherlik bloktary usynǵan.

Aıta ketý kerek, 8 naýryz kúni jańa týǵan nárestelerdi quttyqtaý bıyl alǵash ret ótti.

Qala basshylyǵy barlyq balalar men olardyń analaryn quttyqtap, elorda ákiminiń atynan quttyqtaý hattar men jańa týǵan nárestelerge arba syıǵa tartty.