Nur-Sultanda 36 mototsıkl órtenip ketti
NUR-SULTAN. QazAqparat - Elordada mototsıkl satatyn dúkennen órt shyǵyp, 37 kólik janyp ketti, dep habarlaıdy QazAqparat.
«8 maýsym kúni saǵat 11:54-te elordalyq órt sóndirýshiler Gertsen kóshesinde oryn alǵan órtti sóndirýge shyqty. Órt sóndirýshiler oqıǵa ornyna jedel jetti. Saǵat 12:02-de mototsıkl satatyn dúkenniń irgeles aýmaǵynda 15 sharshy metrde 36 dana mototsıkl men 1 dana qarda júretin tehnıkanyń janyp jatqandyǵy anyqtaldy», - dep habarlady Tótenshe jaǵdaılar mınıstrliginiń baspasóz qyzmeti.
Órt saǵat 12:09-da tolyqtaı sóndirildi. Sóndirý jumystaryna Nur-Sultan qalasy TJD jeke quramynan 10 adam jáne 2 tehnıka jumyldyrylǵan.
«Zardap shekkender men qaıtys bolǵandar joq. Órttiń shyǵý sebebi anyqtalýda. Tótenshe jaǵdaılar mınıstrligi azamattarǵa órt qaýipsizdigi erejelerin qatań saqtaý qajet ekendigin eskertedi», - deıdi TJM baspasóz qyzmeti.
