Nur-Sultanda 30 gradýs ystyq aldaǵy kúnderi de saqtalady
NUR-SULTAN. QazAqparat - Sınoptıkter aldaǵy úsh kúnde Qazaqstanda aýa raıy ystyq bolady dep boljam jasady. Elordada aýa temperatýrasy 30 gradýstan joǵary bolady, dep habarlaıdy elorda ákimdiginiń resmı saıty «Qazgıdromet» RMK-ǵa silteme jasap.
25-26 mamyrda Qazaqstan aýmaǵynda aýa raıy ystyq bolady. Ońtústikten jyly jáne qurǵaq aýa keledi.
«Eldiń batysynda 30...39°S, tipti soltústik jartysynda da termometr baǵany kúndizgi ýaqytta sırek baıqalatyn 32...38°S kórsetedi. Respýblıkanyń ońtústik jáne shyǵys aýmaǵy da ystyq bolady, ońtústikte 30...40°S, shyǵysta 30...36°S-qa jetedi. Alaıda, 27 mamyrdan bastap Batys, sodan keıin soltústik aımaqtarǵa Batys Eýropadan keletin antıtsıklon áser ete bastaıdy. Nátıjesinde batys óńirlerde temperatýranyń 25...33°S-qa deıin, soltústikte 18...28°S-qa deıin tómendeıdi» dep habarlady «Qazgıdromet» RMK.
Erteń, 26 mamyrda elordada jaýyn-shashynsyz aýa raıy kútiledi.
Soltústik-shyǵystan 9-14 m/s jyldamdyqpen jel soǵady, aýa temperatýrasy túnde 18-20 gradýs, kúndiz 34-36 gradýs jyly bolady.
27 mamyrda ońtústik-batystan 9-14 m/s jyldamdyqpen jel soǵady, ekpini 15-20 m/s jetedi.
Aýa temperatýrasy túnde 16-18, kúndiz 26-28 gradýs jyly bolady.
