Nur-Sultanda 24 myńnan astam adam tumaýǵa qarsy ekpe saldyrdy
NUR-SULTAN. QazAqparat - Elordada ekpe salý qarasha aıynyń basyna deıin jalǵasady, dep habarlaıdy ákimdiktiń resmı saıty.
Búgin tańda Nur-Sultan qalalyq Qoǵamdyq densaýlyq saqtaý basqarmasynyń basshysy Tımýr Muratov emhanaǵa baryp, tumaýǵa qarsy ekpe saldyrdy. Basqarmasy basshysy ekpeniń maýsymdyq aýrýlardyń órshýi kezindegi mańyzdylyǵyn da atap ótti.
«Vaktsınatsııa - aýrýdyń aýyr sıpaty men onyń keń taralýyn eskere otyryp, tumaýdan qorǵaýdyń eń qısyndy ádisi. Sonymen qatar, qazir osy kezeń úshin standartty aýrýlardyń (sýyq tııý, tumaý) qozdyrǵyshy bolýy múmkin koronavırýs ınfektsııasy kezeńinde vaktsınatsııa óte mańyzdy! Barshańyzdy vaktsına alýǵa jáne óz densaýlyǵyńyzǵa jaýapty bolýǵa shaqyramyn!» - dedi Tımýr Muratov qala turǵyndaryna.
Eske sala keteıik, elordalyq qoǵamdyq densaýlyq saqtaý basqarmasy ekpeniń 110 myń dozasyn satyp alǵan bolatyn. Ol halyqtyń belgili bir toby úshin tegin júrgiziledi. Atap aıtqanda: sozylmaly aýrýlary bar 18 jasqa deıingi balalarǵa, medıtsına qyzmetkerlerine, júkti áıelderge (júktiliktiń 2-3-shi trımestri), jabyq mekemelerdegi adamdarǵa (balalar úıi, sábıler úıi, mektep ınternaty), múgedekterge (eresekter men sozylmaly aýrýlary bar balalar); 60 jastan asqan qarttarǵa.
Nur-Sultanda vaktsınalaý bastalǵannan beri 24,6 myń adam tumaýǵa qarsy ekpe aldy. Olardyń 6300-i balalar, onyń ishinde 211 adam sábıler úılerinde, balalar úılerinde, mektep-ınternattarda, múgedek balalarǵa arnalǵan ınternattarda. Ekpe alǵan eresekter sany 14 myń adamnan asty.
Elordada ekpe salý qarasha aıyna deıin jalǵasady.
