Nur-Sultanda 21 turǵyn úıdiń qurylysy aıaqtaldy

Olardyń ishinde «Aqerke-2», «Jastar-4», «Talısman», «Arystan» jáne t.b. turǵyn úı keshenderi bar, dep habarlaıdy qala ákimdiginiń resmı saıty.

«Qurylysy uzaqqa sozylǵan úılerdi aıaqtaý boıynsha júıeli jumystar júrgizýdemiz. Elorda kúnine oraı taǵy 21 turǵyn úıdiń qurylysy aıaqtaldy. Olardyń ishinde «Aqerke-2», «Jastar-4», «Talısman», «Arystan» jáne t.b. turǵyn úı keshenderi bar.

Osylaısha, taǵy úsh myń úleskerdiń máselesi sheshildi. Olar kópten kútken páterin aldy. Qazir turǵyndarǵa páteriniń qujattaryn berý jáne basqa da qujattyq protsedýralyq jumystar júrgizilip jatyr.

Búgin «Aqerke-2» turǵyn úı keshenine bardym. Bul kóppáterli turǵyn úı kesheniniń qurylysy jyldar boıy toqtap turdy, nysanda tıisti jumystar júrgizilgen joq. Turǵyn úı kesheniniń qańqasy aıaqtalyp, terezeler, esikter, lıftiler ornatyldy. Jobalyq-smetalyq qujattamany daıyndap, úıdiń qasbeti boıynsha jumystar júrgizdik. Úlken problemalardyń biri garajdardy buzý boldy. Garajdardy satyp alý boıynsha qajetti jumystar júrgizildi, bul ınjenerlik jelilerdi úıge jetkizýge múmkindik berdi. Bul turǵyn úı kesheninde 150-den astam otbasy bar.

Mysaly, elordada 2019 jyldyń jazynda qurylysy uzaqa sozylǵan 150-den astam úı boldy. Memleket basshysynyń tapsyrmasy negizinde qurylys jumystaryn aıaqtaý boıynsha júıeli jumystar júrgizýdemiz. 2019 jyldyń jarty jyldyǵynda 13 kóppáterli turǵyn úı keshenin salyp, paıdalanýǵa berdik. Ótken jyly 20 úı aıaqtaldy.

Bıyl elordada taǵy 57 problemalyq kóppáterli turǵyn úı kesheniniń qurylysyn aıaqtaýdy josparlap otyrmyz. Bul 7 myńnan astam úleskerdiń máselesi sheshiledi degen sóz.

Úlestik qurylystyń árbir nysany boıynsha qadamdyq is-sharalar jospary bar», — dep jazdy elorda ákimi.

Foto: Aleksandr Kýprıenko