Nur-Sultanda 21 mektep karantınge jabyldy

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova elordanyń bilim berý uıymdaryndaǵy koronavırýs statıstıkasyn aıtyp berdi, dep habarlaıdy QazAqparat tilshisi.

«2021 jyldyń 22 aqpanyndaǵy jaǵdaı boıynsha jańa oqý jyly bastalǵannan oqýshylar arasynda KVI 1017 jaǵdaıy tirkelgen, onyń ishinde kezekshi synyp oqýshylary arasynda 232 nemese 22,8%, qashyqtan oqytý boıynsha oqýshylar arasynda – 785 jaǵdaı, ıaǵnı 77,2%. 79 mektep karantınge jabyldy, qazirgi ýaqytta 21 mektepte karantın jalǵasýda», - dedi S. Beısenova Nur-Sultan qalasynyń ákimdigi uıymdastyrǵan onlaın-brıfıngte.

Stýdentter arasynda KVI-diń 174 jaǵdaıy tirkeldi, kolledj stýdentteri arasynda – 35, JOO stýdentteri arasynda – 139. Onyń ishinde offlaın formatta oqıtyndar arasynda – 10, 6 jaǵdaı – JOO stýdentteri arasynda jáne 4 jaǵdaı – orta oqý oryndarynyń sýtdentteri arasynda anyqtalǵan.

«Mektepke deıingi balalar uıymdaryna baratyn 94 balada KVI anyqtady. Qazirgi ýaqytta 907 úı oshaǵy bar, 2260 qarym-qatynasta bolǵandar medıtsınalyq baqylaýda», - deıdi S. Beısenova.

Aıta keteıik, Nur-Sultanda aqpan aıynyń basynan beri koronavırýstyń 2192 jaǵdaıy tirkelgen.

Elordada koronavırýspen aýyrǵandardyń negizgi úlesi – 30-39 jasta.