Nur-Sultanda 2 tonnadan astam zaqymdanǵan anar jemisi órteldi

NUR-SULTAN. QazAqparat - Aýyl sharýashylyǵy mınıstrliginiń ınspektorlary órteý ádisimen zaqymdanǵan anar jemisterin joıdy, dep habarlaıdy QazAqparat atalǵan vedomstvoǵa silteme jasap.

«QR Aýyl sharýashylyǵy mınıstrliginiń Nur-Sultan qalasy boıynsha aýmaqtyq ınspektsııasy karantındik fıtosanıtarlyq baqylaý barysynda Túrkııa elinen kelgen anar jemisinen qaýipti karantındik zııankester – komstok symyryn juqtyrǵan 2 318 keli anardy anyqtady» delingen habarlamada.

Mınıstrliktiń málimetine súıensek, atalǵan ónim tárkilenip, ekopolıgon aýmaǵynda órtelgen.

«Sonymen qatar, osy fakti boıynsha ınspektorlar tarapynan ákimshilik is qozǵalyp, sot sheshimimen ónim ıesine 53 myń teńge kóleminde aıyppul salyndy» - dep habarlaıdy AShM baspasóz qyzmeti.

Jalpy, komstok symyry negizinen almurt, alma, anar, shabdaly, órik, banan, injir, júzim, tsıtrýs, kartop, qarbyz, qaýyn, burysh jáne basqa da baqsha kókónisteri men jemis-jıdekterdi jáne jabaıy ósimdikterdi zaqymdaıdy. Qaýipti zııankester jappaı taralǵan kezde ósimdikter qýrap qalady.