Nur-Sultanda 2 myńǵa jýyq jumysshy qar kúreýge jumyldyryldy

NUR-SULTAN. QazAqparat - Elordanyń kommýnaldyq qyzmetteri kúsheıtilgen rejımde táýlik boıy jumys isteýde. Qys bastalǵaly qaladan 1,3 mln tekshe metrden astam qar shyǵaryldy, bul shamamen 98 myń júk kóligine teń, dep habarlaıdy QazAqparat qala ákimdiginiń resmı saıtyna silteme jasap.

Búgin, 29 jeltoqsanda elordada qar jınaý jumysyna myńnan astam arnaıy tehnıka men eki myńǵa jýyq jol jumysshy jumyldyryldy.

Aıta ketý kerek, 28 jeltoqsannan 29 jeltoqsanǵa qaraǵan túni qaladan 7 myń tekshe metrden astam qar shyǵaryldy, ol úshin júk kólikteri qar polıgondaryna 572 reıs jasady.

Qys mezgili bastalǵaly 1,3 mln tekshe metrden astam qar shyǵaryldy.

Qalanyń kommýnaldyq qyzmetteri keshki jáne túngi ýaqytta kúsheıtilgen rejımde táýlik boıy jumys isteıdi.

Ereje boıynsha, keptelis bolmaýy úshin aldymen qozǵalysy óte qarqyndy ýchaskeler tazartylady.

Sondaı-aq ortasha qarqyndy ýchaskeler – alańdar, vokzal mańyndaǵy aýmaqtar, trotýarlar, áleýmettik nysandarǵa kiretin joldyń qary kúreledi.