Nur-Sultanda 1989 jyly týǵan jigit kópqabatty úıden qulap kóz jumdy
NUR-SULTAN. QazAqparat - Nur-Sultanda 1989 jyly týǵan jigit kópqabatty úıden qulap kóz jumdy, dep habarlaıdy QazAqparat tilshisi qalalyq qoǵamdyq densaýlyq saqtaý basqarmasyna silteme jasap.
«21 maýsym kúni keshki ýaqytta qalalyq jedel medıtsınalyq járdem stantsııasyna kóp qabatty ǵımarattan qulaǵan er adam týraly qońyraý tústi. Dárigerler toby dereý oqıǵa ornyna jetti. 1989 jyly týǵan er adam №2 kópsalaly qalalyq aýrýhanaǵa jetkizildi. Ókinishke qaraı, alǵan aýyr jaraqaty saldarynan ol qaıtys boldy», - dep habarlaıdy basqarmadan.
Dál sol kúni sol mekenjaıda taǵy bir osyndaı oqıǵa tirkelgen.
«Kóp qabatty úıden áıel adam qulaǵan. 1986 jyly týǵan áıel №2 kópsalaly qalalyq aýrýhanaǵa jetkizildi. Onyń jambas súıegi synǵan. Bas súıek-mı jaraqatyn alǵan. Barlyq qajetti medıtsınalyq kómek tolyq kórsetildi, ol palatada jatyr», - delingen habarlamada.
