Nur-Sultanda 18 oqýshy koronavırýspen aýyrdy – Bilim basqarmasy

NUR-SULTAN. QazAqparat – Oqý jylynyń basynan beri elordada 18 bala COVID-19 vırýsyn juqtyrdy. Onyń 14-i qashyqtan oqyǵan, tórteýi – kezekshi synyp oqýshylary. Bul týraly Nur-Sultan qalasy Bilim berý basqarmasynyń basshysy Sholpan Qadyrova elorda ákimdiginde ótken onlaın brıfıngte aıtyp berdi, dep habarlaıdy QazAqparat tilshisi.

«Qazirgi ýaqytta mektepterimizde 3011 kezekshi synypta 40400 oqýshy bilim alýda. Qalanyń bas sanıtarlyq dárigeriniń habarlaýynsha, mektep oqýshylary arasynda COVID-19 juqtyrǵandar anyqtaldy. Oqý jylynyń basynan bastap, búgingi kúnge deıin aýyrǵan balalardyń sany – 18. Onyń 14-i qashyqtan oqıtyndar, tórteýi – kezekshi synyp oqýshylary.

Syrqattanǵan balalar oqyǵan synyptar qashyqtan oqytý formatyna aýystyryldy jáne Nur-Sultan qalasynyń Taýarlar men kórsetiletin qyzmetter sapasy men qaýipsizdigin baqylaý departamentiniń qyzmetkerleri dezınfektsııa jumystaryn júrgizdi.

«Karantın rejıminiń merzimi – 14 kún. Sodan keıin synyptar burynǵy rejımge kóshedi. Bul másele Bilim basqarmasyynń erekshe baqylaýda ekenin atap ótkim keledi», - dedi basqarma basshysy.