Nur-Sultanda 17 myń oqýshyǵa 680 mln teńgege kómek kórsetiledi
«Ózderińiz bilesizder, 18 tamyzda áleýmettik az qamtylǵan otbasydan shyqqan oqýshylarǵa materıaldyq kómek kórsetýge baǵyttalǵan jalpyǵa mindetti bilim baǵdarlamasy bastaldy. Búgingi kúnge deıin 8 730 balaǵa kómek berildi. 16 kompanııa 27 saýda núktesi jumys isteıdi. Nur-Sultan qalasy boıynsha jalpy osy jyly kıim-keshek jáne mektep quraldaryn satyp alýǵa 1 balaǵa 40 myń teńgeden qarajat bólinip otyr. Osy merzimde 17 myń balany qamtımyz dep josparlap otyrmyz. Qordyń jalpy somasy - 680 mln teńge», - dedi ol Ortalyq kommýnıkatsııalar qyzmetindegi baspasóz máslıhatynda.
Sonymen qatar, ol jyl sońyna deıin 13 bilim nysanyn paıdalanýǵa berý josparlanǵanyn aıtty. Onyń ishinde 7 mektep, 6 japsarjaı bar.
«1 qyrkúıekke deıin 3 jańa mektep jáne jumys istep turǵan mektepterde 2 qosymsha ǵımarat ashý josparlanyp otyr. Qalǵan bilim nysandarynyń qurylysy osy jyldyń sońyna deıin aıaqtalady», - dedi Sholpan Qadyrova.
