Nur-Sultanda 14 myńnan astam adam úı karantıninde jatty
NUR-SULTAN. QazAqparat - Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qısyqova úı karantıninde jatqan turǵyndar týraly aıtyp berdi, dep habarlaıdy QazAqparat tilshisi.
«Koronavırýs ınfektsııasy boıynsha №9 qalalyq emhanada Nur-Sultan qalasynyń medıtsınalyq uıymdarynyń 24 qyzmetkerinen mobıldi top quryldy. Olar koronavırýs ınfektsııasy boıynsha epıdemıologııalyq jaǵdaıy qolaısyz dep tanylǵan elderden (1b, 2, 3 sanattar) kelip, úı karantınine jatqyzylǵan turǵyndarǵa kún saıyn habarlasady», - dedi basqarma basshysy qala ákimdiginde ótken onlaın brıfıngide.
2020 jyldyń 20 aqpanynan bastap, 14 408 adam úı karantıninde jatty. Olar ár 14 kún saıyn bas memlekettik sanıtarlyq dárigerdiń qaýlysyna sáıkes, karantınnen shyǵarylyp otyrǵan.
Qazirgi ýaqytta úı karantıninde 213 adam jatyr.
Buǵan deıin basqarma basshysy Nur-Sultanda kornavırýs juqtyrǵandardyń basym bóligi 30-49 jas aralyǵynda ekenin málimdegen edi.
Nur-Sultan qalasy boıynsha tirkelgen barlyq 25 jaǵdaı boıynsha jaqyn baılanysta bolǵan 244 adam Nur-Sultan men ózge óńirlerdegi aýrýhanalarǵa jatqyzyldy.
Sonymen birge, aldaǵy eki aptada elorda turǵyndaryna koronavırýs ınfektsııasyna qatysty ekspress testileý júrgiziledi.
Eske sala ketsek, Qazaqstanda qazir koronavırýs ınfektsııasyn juqtyrǵandar sany 49 adamǵa jetti. Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen.
