Nur-Sultanda 13 363 nysan «Ashyq» jobasyna qatysyp jatyr
«Bıylǵy 26 aqpan men 6 qazan aralyǵynda Nur-Sultan qalasynda «Ashyq» jobasyna – 13 363 nysan qatysýda, onyń ishinde 1 904 qatysýshy jáne 11 459 erikti qatysýshylar (kásipkerlik sýbektileri, memlekettik organdar, bilim berý, densaýlyq saqtaý nysandary, ónerkásiptik jáne kommýnaldyq kásiporyndar jáne t.b.) bar. «Ashyq kóshbasshysy» mártebesi bar 294 kásipkerlik sýbektisi tirkelgen», - dedi A. Oralov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, monıtorıngtik toptar 2021 jyldyń 20 mamyrynan bastap «Ashyq» qatysýshylarynyń 15 725 nysanyn tekserdi. 574 nysanda shekteý sharalaryn, onyń ishinde karantındi buzý faktileri anyqtaldy.
«Qazirgi ýaqytta koronavırýs ınfektsııasynyń taralýyna qarsy kúres sheńberinde osy júıeni ShOB obektilerinde, memlekettik mekemeler men bilim berý júıesine engizý jalǵasýda», - dedi A. Oralov.
