Nur-Sultanda 10-qabattaǵy páterge qamalyp qalǵan bir jasar bala qutqaryldy
NUR-SULTAN. QazAqparat – Astanalyq qutqarýshylar 10-qabattaǵy páterge qamalyp qalǵan bir jasar balany qutqardy, dep habarlaıdy QazAqparat elordanyń tótenshe jaǵdaılar departamentine silteme jasap.
Keshe 16:03-te «112» qyzmetine «Batyr» turǵyn úı kesheniniń 10-qabatyndaǵy páterde kishkentaı bala qamalyp qalǵany týraly habar kelip túsken. Besinshi jedel qutqarý jasaǵynyń komandıri K. Tóleýbaev avtobaspaldaqty páterdiń balkonyna ornatty, sodan keıin qutqarýshylar B.Ydyrysov, S.Esentemirov jáne A.Satybaldıevter balkonnyń esigin ashyp kirip, balany anasyna aman-esen tapsyrdy.
Oqyǵa bylaı bolǵan, áıel eresekteý eki balasyn túsirý úshin lıft shaqyra ketkende, úıde jalǵyz qalǵan 1 jas 3 aılyq qyzy esikti jaba salǵan. Esinen aıyryla jazdaǵan áıel kórshilerinen járdem tilegen, 112 qyzmetine habarlasqan. Birer mınýttan soń-aq jetip kelgen qutqarýshylar shyr aınalǵan ananyń kóńilin jaı taptyrdy.
Áıel qutqarýshylarǵa alǵysyn jaýdyryp, rızashylyq bildirip jatty.
