Nur-Sultanda 10-15 kúnge jetetin PTR test bar - Sáýle Qısyqova
NUR-SULTAN. QazAqparat – Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova elordadaǵy PTR test qory týraly pikir bildirdi, dep habarlaıdy QazAqparat tilshisi.
«Qalalyq densaýlyq saqtaý basqarmasy kún saıyn qaladaǵy zerthanalarda júrgizilgen testileý sany men qansha test qalǵanyna monıtorıng júrgizedi. Qazirgi aqparatqa sáıkes, aldaǵy 10-15 kúnge jeterlik test bar. Odan keıingi testterdi satyp alý jumystaryn zerthanalar júrgizedi. Munyń barlyǵy baqylaýda», - dedi basqarma basshysy Ortalyq kommýnıkatsııalar qyzmetinde ótken onlaın brıfıngte.
Onyń aıtýynsha, kún saıyn elordada 4,5 myńǵa jýyq adam test tapsyrady jáne ózge medıtsınalyq uıymdardy qaıta jabdyqtaý arqyly tósek-oryn sany da qamtamasyz etiledi.
Buǵan deıin spıker elordada jedel járdem bazasyndaǵy koll-ortalyqqa júginýshiler sany kúrt óskenin habarlaǵan edi.
Sonymen birge, Nur-Sultanda koronavırýs ınfektsııasyn juqtyrǵandar sany úsh ese artty, 50 naýqas jasandy ókpe jeldetý apparatyna qosylǵan.
