Nur-Sultanda №1 aýrýhana koronavırýs juqtyrǵandardy qabyldaıtyn boldy
NUR-SULTAN. QazAqparat – Densaýlyq saqtaý mınıstriniń birinshi orynbasary Marat Shoranov elordadaǵy №1 aýrýhana koronavırýs juqtyrǵandardy qabyldaı baıstaǵanyn rastady, dep habarlaıdy QazAqparat.
«Elordadaǵy №1 birinshi aýrýhanaǵa indet juqtyrǵan naýqastardy jatqyzyp jatyr degen aqparat tarady. Basqa aýrýmen kelgenderdi ózge emdeý mekemelerine jiberip jatqany týraly málimet qanshalyqty ras», - degen saýal qoıylǵan bolatyn Ortalyq kommýnıkatsııalar qyzmetinde.
«Nur-Sultan qalasyndaǵy birinshi qalalyq emhana boıynsha rasynda sondaı jospar bar. Qazirgi tańda qalada 2 435 tósek orny bar. Jańaǵy aýrýhanany qosqannan keıin kólemi 3000-ǵa deıin kóbeıedi. Ózderińiz biletindeı, epıdemıologııalyq jaǵdaı qubylmaly bolǵandyqtan, mundaı sheshim qabyldaýǵa májbúr bolyp otyrmyz. Jalpy basqa naýqastardy qazir qalalyq medıtsına mekemelerine sala-sala boıynsha, bólimshe-bólimshesimen sol jaqqa bólemiz. Osylaısha shuǵyl jáne josparly kómekti eshqandaı toqtapaımyz. Bul sheshim shynymen qıyn sheshim, biraq biz sondaı sheshim qabyldadyq», - degen vıtse-mınıstr atalmysh aýrýhanaǵa buǵan deıin túsip qoıǵan naýqastardyń jaıy ne bolatynyn túsindirdi.
«Aýyr halde jatqan naýqastardy tasymaldaý máselesi bir kúnde sheshilmeıtin másele. Jazylyp shyqqandardy úılerine jiberip, qalǵandaryn basqa aýrýhanalarǵa aýystyrady», - dedi Marat Shoranov.
