Nur-Sultan jedel járdem stansasyna 17 jańa reanımobıl berildi
NUR-SULTAN. QazAqparat - Búgin Nur-Sultan qalalyq jedel járdem qyzmeti 17 jańa kóliktiń kiltin aldy, dep habarlaıdy QazAqparat.
Qalalyq ákimdiktiń málimetinshe , mashınada barlyq qajetti jabdyqtar bar, bul shaqyrylǵan jerde de, naýqasty aýrýhanaǵa jetkizgende de qarqyndy terapııa júrgizýge múmkindik beredi.
Elorda ákiminiń orynbasary Baqtııar Máken jedel járdem qyzmetkerlerin kele jatqan Jańa jylmen quttyqtap, jumysyna alǵys aıtty.
«Memleket basshysynyń tapsyrmasy boıynsha halyqqa sapaly jáne tıimdi qyzmet kórsetý úshin jedel járdem kólikterin jańartý jumystary júrgizildi. Biz bul mindetti oryndadyq. Ótken jyly jergilikti bıýdjetten qarjylandyrý esebinen 52 avtokólik, bıyl taǵy 35 tehnıka satyp alyndy. «103» avtoparki 100% jańartyldy dep aıta alamyz. Barshańyzdy jańa jylmen quttyqtaımyn! Myqty densaýlyq tileımin, óıtkeni bıyl biz densaýlyq adamnyń basty baılyǵy ekenin sezindik. Sizderdiń kúsh-jigerińiz, táýlik boıǵy jumysyńyzdyń arqasynda kóptegen qazaqstandyqtar merekeni otbasymen atap ótedi», - dedi Baqtııar Máken.
Aıta keteıik, bir jyldan az ýaqyt ishinde jedel járdem stantsııasynyń parki 2,5 ese artty.
Kúzde jańa mamandandyrylǵan kólikterdiń kiltterin qala ákimi Altaı Kólginov tapsyrdy.
Osylaısha qazir Nur-Sultan jedel járdem qyzmetiniń balansynda 129 kólik bar.
Jedel járdem stansasy jylyna 600 myńnan astam qońyraýǵa qyzmet kórsetedi.
