Nur-Sultan - jaıly qala: Bıyl shaharda 20 qoǵamdyq keńistik paıda boldy

NUR-SULTAN. QazAqparat – Nur-Sultan qalasynyń ýrbanıstıka ortalyǵynda jyl qorytyndysy shyǵaryldy, dep habarlaıdy QazAqparat uıymnyń Instagram áleýmettik jelisindegi akkaýntyna silteme jasap.

Ýrbanıstıka ortalyǵy Space Syntax halyqaralyq komandasymen birlese otyryp, «Nur-Sultan – jaıly qala» atty sheberlik josparyn jasady.

Bul - túrli múddelerdi esepke ala otyryp qalany damytýdyń áleýmettik-ekonomıkalyq strategııasy.

«Nur-Sultan – jaıly qala» josparynyń aıasynda úsh naqty maqsat qoıylǵan:

1) adamdar úshin jaıly qala;

2) ekologııasy taza turaqty qala;

3) belsendi ómir saltyn júrgizetin salaýatty qala.

«Sheberlik jospary taktıkalyq jáne strategııalyq jobalarǵa negizdelip, iske asyrylýda. Taktıkalyq josparlar turǵyndar úshin jaıly ortany qurýǵa baǵyttalǵan. Bul maqsatta bıyl qoǵamdyq keńistikter, aýlalardy jobalaý jáne elorda kóshelerin qaıta jańǵyrtý boıynsha jumys oryndalǵan, oǵan qala turǵyndary da tartyldy.

Qala turǵyndarynyń qatysýymen qoǵamdyq tyńdaýlar ótkizildi. 40 aýla jáne 20 qoǵamdyq keńistik jobasy iske asyryldy, sonyń ishinde «Jastar» shaǵynaýdanyndaǵy 27 aýlanyń jobasy da bar» dep habarlady Nur-Sultan qalasynyń ýrbanıstıka ortalyǵynan.