Nur-Sultan vokzalynda karantın tártibin buzǵan eki áıel ustaldy
NUR-SULTAN. QazAqparat - Kólik polıtseıleri tótenshe jaǵdaı rejımin buzǵan eki áıeldi ustady, dep habarlaıdy QazAqparat kóliktegi polıtsııa departamentine silteme jasap.
31 naýryz saǵat 16.50-de Nur-Sultan stansasyndaǵy jelilik polıtsııa bóliminiń qyzmetkerleri Nur-Sultan qalasy aýmaǵynda 30 naýryz ben 5 sáýir aralyǵynda kásiporyndar men mekemelerdiń jumysy toqtatylǵanyn bile tura, tótenshe jaǵdaı jarııalanýyna baılanysty memlekettik organmen belgilengen karantın jáne ózge de mindetti santarlyq-epıdemııaǵa qarsy is-sharalar ótkizý rejımin buzyp, eski vokzaldyń qosymsha esigi arqyly onyń aýmaǵyna kirgen eki áıeldi ustady.
Suraý alý kezinde kólik polıtseıleri quqyq buzýshylardyń jaýapkershiligi shekteýli seriktestikte isteıtin 33 jáne 35 jastaǵy kassır ekenin anyqtady. Olarǵa qatysty tótenshe jaǵdaı rejımin buzǵany úshin ákimshilik hattama toltyryldy (QR QPK 476-baby).
Nur-Sultan qalasyndaǵy Arnaıy mamandandyrylǵan aýdanaralyq ákimshilik sotynyń sheshimimen quqyq buzýshynyń árqaısysyna 10 AEK (26 510 tg) kóleminde aıyppul salyndy.
