Nur-Sultan vaktsınalaý boıynsha kóshbasshy óńirler qatarynda tur
NUR-SULTAN. QazAqparat – Elorda vaktsınalaý kórsetkishteri boıynsha óńirler arasynda kóshbasshylar qatarynda tur. Bul týraly «Ulttyq ǵylymı medıtsınalyq ortalyq» aktsıonerlik qoǵamynyń basqarma tóraǵasy Abaı Baıgenjın málimdedi, dep habarlaıdy QazAqparat tilshisi.
«Men «Nur Otannyń» partııalyq komıssııasy jumys tobynyń tóraǵasymyn. Biz qazir elimizdiń barlyq óńirlerinde vaktsınalaý máselesin erekshe baqylaýǵa aldyq. Sandyq derekter qolymyzǵa udaıy túsip turatyndyqtan, jaǵdaıdy jaqsy zerttep bilip otyrýǵa múmkindigimiz bar. Elordamyz osy iste kóshbasshylardyń qatarynda turǵany meni qýantqanyn aıtqym keledi. Shamasy, elordalyqtar vaktsınanyń mańyzyn sanaly túrde uqqan sııaqty»- dedi Abaı Baıgenjın dóńgelek ústel barysynda.
Sondaı-aq, ol astana turǵyndary vaktsınalaý isinde ózge óńirler men qalalarǵa úlgi bolý kerektigin aıtty.
Osy sharada elordanyń «qyzyl» aımaqtan nelikten shyǵa almaı otyrǵany da aıtyldy.
Nur-Sultan qalasy ákiminiń orynbasary Baqtııar Mákenniń aýtynsha, sáýir aıynyń basynan beri elordada 100 myńnan astam adam vaktsına alyp úlgergen.
