Nur-Sultan turǵyny Pavlodar oblysynda zeınetkerdi qaǵyp ketip, mert qyldy
PAVLODAR. QazAqparat – Pavlodar - Semeı tas jolynyń 50-shi shaqyrymynda, Pavlodar aýdany, Novoıamyshevo aýylynyń mańynda jol-kólik oqıǵasy oryn aldy, dep habarlaıdy pavlodarnews.kz.
Oblystyq polıtsııa departamentiniń baspasóz qyzmeti habarlaǵandaı, jol apaty 25 shilde kúni saǵat 11:30-da bolǵan.
«Folksvagen Vento» kóliginiń 37 jastaǵy júrgizýshisi rýlge ıe bola almaı joldyń shetinde turǵan aýyl turǵynyn, 71 jastaǵy jaıaý júrginshini qaǵyp ketti», - dep málim etti baspasóz qyzmetinde.
Jaraqat alǵan áıel oqıǵa ornynda mert bolǵan. Sot-medıtsınalyq saraptama taǵaıyndaldy. Kólik aıyppul turaǵyna qoıylǵan. Atalmysh fakti boıynsha sotqa deıingi tergeý QR QK 345-baby, 3-bóligi - «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha júrgizilýde.
