Nur-Sultan turǵyny qostanaılyq polıtseılerge alǵys aıtty
NUR-SULTAN. QazAqparat – Nur-Sultan qalasynyń turǵyny Olga Saıbel Qostanaı oblysy Sarykól aýdanynyń polıtsııa bólimine alǵys hat joldady. Polıtseıler onyń joǵalǵan aqshasyn taýyp bergen, dep habarlaıdy QazAqparat tilshisi.
«Elorda turǵyny otbasymen Qostanaıǵa bara jatqanda jol boıyndaǵy dámhananyń janyna toqtap, 700 myń teńgesi bar ámııanyn umytyp ketken. Oblystaǵy Sarykól jáne Altynsarın aýdandarynyń polıtseıleri jedel áreket etip, ámııandy alǵan turǵyndy anyqtaǵan. Keıinirek belgili bolǵandaı, kafeniń janyna toqtaǵan «Gazel» avtokóliginiń júrgizýshisi jerdegi ámııandy taýyp alyp, 90 shaqyrymnan astam jerge ketip úlgergen. Biraq ony Altynsarın aýdanynyń polıtseıleri sanıtarlyq bekette toqtatqan.
Ámııan ıesi jubaıymen birge jergilikti polıtsııa bólimine hat joldap, qyzmetkerlerge jedeldik pen kásibıligi úshin alǵys bildirdi», - dedi QR Іshki ister mınıstrliginiń resmı ókili Nurdildá Oraz mınıstrlikte ótken onlaın brıfıngte.
