Nur-Sultan – Temirtaý jolynda 15 kólik soqtyǵysqan iri jol apaty tirkeldi
NUR-SULTAN. QazAqparat – Nur-Sultan – Temirtaý kúre jolynda 15 kólikke zaqym keltirgen iri jol-kólik oqıǵasy tirkeldi. Onyń saldarynan bir adam zardap shekti, dep habarlaıdy QazAqparat tilshisi.
2021 jylǵy 12 qańtarda Nur-Sultan – Temirtaý jol ýchaskesinde jol-kólik oqıǵasy tirkeldi. Aldyn ala kelgen málimet boıynsha, «KamAZ» júrgizýshisi jyldamdyq qarqynyn eskermeı, Lada kóligimen soqtyǵysqan. Osynyń saldarynan bir baǵytta kele jatqan 13 mashına bir-birine birinen soń biri soǵylǵan. Ázirge 1 adamnyń jaraqat alǵany habarlanyp otyr.
«12 qańtarda tańerteńnen beri Nur-Sultan – Temirtaý jolynda qar jaýyp, qatty boran soǵyp, júrgizýshilerge joldy qarap otyrýǵa qıynǵa soqty. Qazir jolda qar kúrelip jatyr. Saǵat túski 13.00-den bastap jergilikti polıtsııa qyzmeti ol jerdegi jol qozǵalysyna shekteý qoıý týraly sheshim qabyldady», - dep habarlaıdy Qazavtojol ulttyq kompanııasynan.
