Nur-Sultan-Temirtaý avtojolynda kólik qozǵalysy ashyldy
NUR-SULTAN. QazAqparat – Búgin saǵat 14:00-de Nur-Sultan-Temirtaý avtojolynda kólik qozǵalysyna ruqsat berildi, dep habarlaıdy QazAqparat «KazAvtoJoly» UK Telegram-ǵa silteme jasap.
Polıtsııa qyzmetkerleriniń kómegimen 1200 avtokólik Temirtaý baǵytynda jolǵa shyqty. Respýblıkalyq mańyzy bar avtojoldardyń 10 ýchaskesinde jol qozǵalysyna shekteý qoıyldy.
18 qańtardaǵy saǵat 15:00 aqparat boıynsha, aýa-raıynyń qolaısyz jaǵdaılaryna baılanysty elimizdegi avtojoldardyń 10 ýchaskesinde kólik qozǵalysyna shekteý qoıyldy.
Keshe keshki saǵat 22:00 aqparatqa sáıkes jalpy uzyndyǵy 4714 shaqyrym 37 ýchaskede jáne Pavlodar oblysy boıynsha barlyq baǵyttarda avtojoldar jabyq bolǵan. 17 qańtar kúni jabylǵan eń uzyn tas jol Almaty-Ekaterınbýrg (830 shaqyrym) bolsa, búginde - Qaraǵandy-Aıagóz-Buǵaz joly (494 shaqyrym).
Barlyq júrgizýshilerdi jol erejelerin saqtap, arnaıy kolonna qatarynan shyqpaýlaryńyzdy suraımyz. Qazirgi sátte, respýblıka boıynsha 818 tehnıka qarqyndy jumys jasaýda.
