Nur-Sultan saýda ortalyqtarynda sanıtarlyq tekseris qaıta bastalady

NUR-SULTAN. QazAqparat – Qazaqstanda tótenshe jaǵdaı rejımi aıaqtalǵannan keıin saýda nysandarynda sanıtarlyq tekseris jumystary bastalady. Bul týraly Nur-Sultan qalasynyń bas sanıtar dárigeri Janna Pralıeva málim etti, dep habarlaıdy QazAqparat tilshisi.

«Karantın ýaqytynda saýda nysandaryna júrgiziletin josparly jáne jospardan tys tekserýler toqtap qalǵan edi. Biz qazir shekteý sharalarynyń rejımin saqtaý aıasynda tek monıtorıng júrgizip otyrmyz», - dedi Janna Pralıeva onlaın rejımdegi baspasóz máslıhaty barysynda.

Onyń aıtýynsha, jaqynda saýda nysandarynda sanıtarlyq tekseris qaıta bastalady.

«Tótenshe jaǵdaı rejımi kezinde saýda nysandaryna qatysty 476-bapqa sáıkes ákimshilik sharalardy qoldanyp keldik. Qazirgi ýaqytta prokýratýra organy, atap aıtqanda Bas prokýratýranyń esep jáne baqylaý statıstıkasy boıynsha arnaıy ýákiletti organy men bizdiń komıtet saýda nysandaryn ary qaraı jandandyrý máselesin sheship jatyr», - dedi Janna Pralıeva.