«Nur-Sultan qalasynyń ákimdigi» - Elorda ákimdiginde mańdaısha jazýy ózgerdi
NUR-SULTAN. QazAqparat - Elorda ákimdigi ǵımaratyndaǵy mańdaısha jazýy ózgerdi, dep habarlaıdy QazAqparat tilshisi.
«Búgin kúndiz qala ákimdigi ǵımaratyndaǵy mańdaısha jazýy ózgertildi», - dep naqtylady elorda ákiminiń baspasóz hatshysy Elvıra Júrgenbaeva.
Atap aıtqanda, ǵımarattyń kireberisinde latyn grafıkasyndaǵy álipbı boıynsha «Nur-Sultan qalasynyń ákimdigi» jáne «Akımat goroda Nur-Sultan» degen jazý paıda boldy.
Sonymen qatar, sol jerde ózgertilgen qalypta «Nur-Sultan qalasynyń máslIhaty» jazbasy da ilindi.
Budan buryn habarlanǵandaı, Prezıdent Qasym-Jomart Toqaev Astana qalasynyń ataýyn Nursultan dep ózgertý týraly usynys jasaǵan bolatyn.
Parlament Astananyń ataýyn Nursultan dep ózgertý týraly qujatty qabyldady.
Keıinnen Memleket basshysy Qazaqstan Respýblıkasynyń astanasy - Astana qalasyn Qazaqstan Respýblıkasynyń astanasy - Nur-Sultan qalasy dep qaıta ataý týraly jarlyqqa qol qoıdy.
