Nur-Sultan polıtsııasy: Blokpostan aqsha berip ótkisi keletinder bar
NUR-SULTAN. QazAqparat – Nur-Sultan qalasy jergilikti polıtsııa qyzmetiniń bastyǵy Ǵusman Jakın blokpostardan aqsha usynyp ótip ketkisi keletinderdiń joly kesiletinin málim etti, dep habarlaıdy QazAqparat tilshisi.
«Jalpy karantın engizilgeli beri 5 myńǵa tarta azamat ártúrli ákimshilik jaýapkershilikke tartyldy. Alaıda azamattar qazir jaǵdaıǵa túsinistikpen qaraı bastady. Sondaı-aq blokpostan polıtsııa qyzmetkerlerine aqsha berip, eshqandaı tirkeýsiz, anyqtamasyz ótip ketpek bolǵan adamdar da kezdesti. Álbette mundaı faktilerdiń báriniń jolyn kesemiz. Bizden bólek blokposta ákimdiktiń, densaýlyq saqtaý salasynyń qyzmetkerleri de kezekshilik atqarady. Sol sebepti mundaıǵa jol berilmeıtinin aıtqymyz keledi», - dedi Ǵusman Jakın OKQ-da ótken baspasóz máshıhatynda.
Sonymen qatar ol áleýmettik jelilerde taraǵan aqparattarǵa qatysty pikir bildirdi.
«BAQ-ta, chattarda keı azamattar belgili bir somamen blokpostan ótip ketýge bolady degendeı aqparat taratyp jatyr. Mundaı faktilerge jol berilmeıdi», - dedi ol.
